Сатып алу кезінде бағаны көтерген кәсіпкерге айыппұл салынды

Павлодар тұрғыны QR арқылы төлегені үшін көбірек ақша сұраған сатушыға шағымданды, - деп хабарлайды Massaget.kz тілшісі.

Азық-түлік сатқан және QR коды арқылы төлем қабылдаған кәсіпкер жалпы сомаға үстеме ақының 2 пайызын қосқан. Осыдан кейін қала тұрғыны Сауда комитетінің аймақтық департаментіне шағым түсірген.

"2024 жылдың тамызында Павлодар тұрғыны азық-түлік дүкеніне барып, қоюландырылған сүт, ананас және майонез сатып алды. Содан кейін ол сатушыдан оны QR-код бойынша есептеуді сұрады, оған сатушы QR-кодпен төлеу үшін сатып алудың жалпы сомасына 2 пайыз қосатынын айтты. Келіп түскен өтініштің негізінде Павлодар облысы бойынша сауда және тұтынушылардың құқықтарын қорғау департаментінің мамандары осы дүкенде жоспардан тыс тексеру жүргізді және шағын кәсіпкерлік субъектісін Қазақстан Республикасының аумағында сауда объектісінің ішкі және (немесе) сыртқы витриналарында қойылған жапсырмамен рәсімделген бағадан асатын тауарды өткізгені үшін 3 АЕК айыппұл түрінде әкімшілік жауапкершілікке тартты. Сондай-ақ заңбұзушылықтарды жою туралы нұсқама берілді", - деді Павлодар облысы бойынша сауда және тұтынушылардың құқықтарын қорғау департаментінің басшысы Дәулен Қабдушев.

Айта кетейік, 3 АЕК көлемі - 11 076 теңге.

Өзекті жаңалықтарды өз уақытында оқу үшін Facebook парақшамызға жазылыңыз!