Алмасадам Сәтқалиев Қазақстан Республикасының Атом энергиясы жөніндегі агенттігінің төрағасы болып тағайындалды, - деп хабарлайды Massaget.kz тілшісі.
"Мемлекет басшысының жарлығымен Алмасадам Майданұлы Сәтқалиев Қазақстан Республикасы Атом энергиясы жөніндегі агенттігінің төрағасы болып тағайындалды, ол бұрынғы атқарған лауазымынан босатылды", - деп жазылған хабарламада.
Сәтқалиев туралы не белгілі?
Алмасадам Майданұлы 1970 жылы 31 қазанда Алматы қаласында дүниеге келген. Сәтқалиев мына оқу орындарында білім алған:
- әл-Фараби атындағы Қазақ мемлекеттік университеті (1992 ж.), мамандығы - механика;
- Ресей Федерациясының президенті жанындағы Ресей халық шаруашылығы және мемлекеттік қызмет академиясы (2013 ж.), экономика магистрі;
- Назарбаев университеті, Жоғары бизнес мектебі (2015 ж.), басқарушы кадрлар үшін іскерлік әкімшілендіру магистрі;
- Стэнфорд университеті, Жоғары бизнес мектебі (2016 ж.), басқарушы кадрлар бағдарламасы.
Бүгінге дейін түрлі лауазымды қызмет атқарды:
- 1992 – 1997 жж. - "ТаССаТ" ЖШС директоры
- 1997 – 2001 жж. - "Қазтрансойл" ЖАҚ Жобаларды басқару департаментінің бастығы
- 2001 – 2006 жж. - KEGOC АҚ бірінші вице-президенті
- 2006 – 2007 жж. - "Самұрық" АҚ электр энергетикалық активтерді басқару жөніндегі директоры
- 2007 ж. - ҚР Энергетика және минералдық ресурстар министрлігінің вице-министрі
- 2007 – 2011 жж. - KEGOC АҚ басқарма төрағасы
- 2011 – 2012 жж. - "Самұрық-Қазына" АҚ басқарушы директоры
- 2012 – 2018 жж. - "Самұрық-Энерго" АҚ басқарма төрағасы
- 2018 ж. - KAZENERGY ЗТБ төрағасының орынбасары
- 2018 – 2021 жж. - "Самұрық-Қазына" АҚ активтерді басқару жөніндегі басқарушы директоры
- 2021 – 2023 жж. - "Самұрық-Қазына" АҚ басқармасының төрағасы
- 2023 жылғы 4 сәуірден бастап энергетика министрі болып тағайындалды.
Аптаның басты оқиғалары мен пайдалы видеоларды көру үшін YouTube арнамызға жазылыңыз
Ж. Қадыржанова