Сарапшы Алматыдағы инклюзия орталығының жұмысы туралы айтады
![Сарапшы Алматыдағы инклюзия орталығының жұмысы туралы айтады](/userdata/news/news_64579/image_l.jpeg)
"Әлеуметтік-инклюзив бағдарламалар орталығы" қоғамдық қорының президенті Салтанат Мурзалинова-Яковлева I-BALAQAI жобасының арнайы шығарылымының екінші бөлімінде инклюзив білім беретін құндылықтар туралы әңгімелеп, жаңа бағыт енгізудегі тәжірибесін бөліседі, - деп хабарлайды Tengrinews.kz тілшісі.
I-BALAQAI жобасын ұйымдастырушылар – Alash Media Group медиахолдингі және Montessori Qazaqstan Public Fund. Ақпараттық серіктес – "ВКонтакте" әлеуметтік желісі.
Инклюзив білім беру – әр баланың физикалық, интеллектуалдық, әлеуметтік, эмоционалдық, тілдік және басқа да ерекшеліктеріне қарамастан, жалпы білім беру жүйесіне кіретін оқыту.
Жаңа шығарылымды бүгін, 25 ақпанда сағат 20.00-де I-BALAQAI YouTube-арнасынан көре аласыздар. Эфир қонағы Алматыдағы әлеуметтік инклюзив бағдарламалар орталығына экскурсия жүргізіп, оқытушылар мен балалар нормотиптік және ерекше балалар үшін бірлескен сабақтың артықшылықтары туралы әңгімелеседі.
Арнайы жобаның бірінші бөлімін мына сілтеме арқылы көруге болады.
Жүргізуші – журналист, телерадиожүргізуші Махаббат Есен.
Оқырмандар, көрермендер мен тыңдаушылар сұхбаттардың үзінділерін Zhuldyz FM, Tengri FM, VOSTOK FM радиостанцияларынан таба алады. I-BALAQAI жобасы аясында подкаст, пайдалы мақала, видео және басқасы шығады.
Н. Үсенова