Санжар Әділов ІІМ орынбасары лауазымына тағайындалды

Мемлекет басшысының өкімімен Санжар Әскенұлы Әділов Қазақстан Республикасы Ішкі істер министрінің орынбасары лауазымына тағайындалды, - деп хабарлайды Massaget.kz тілшісі Ақорда сайтына сілтеме жасап. 

Атқарған қызметтері

Санжар Әділов ішкі істер органдарындағы қызметін 1999 жылы бастаған.

1999-2009 жылдар аралығында Алматы қаласы ІІД, Әуезов және Бостандық аудандарының ІІБ тергеушісі, аға тергеушісі, тергеу бөлімінің бастығының орынбасары, тергеу бөлімінің бастығы қызметтерін атқарған.

2009-2012 жылдары - Алматы қаласы бойынша экономикалық және сыбайлас жемқорлық қылмыстарымен күрес департаментінің (қаржы полициясы) тергеу басқармасының басшысы.

2012-2013 жылдары - ІІМ Тергеу комитетінің әскери-тергеу басқармасы бастығының орынбасары, кейін басқарма бастығы.

2013-2018 жылдары - Астана қаласы ІІД бастығының орынбасары.

2018-2023 жылдары - ІІМ Тергеу департаментінің бастығы.

2023 жылғы 12 мамырдан бастап - Қарағанды облысы полиция департаментінің бастығы.

2024 жылдың наурыз айында Қарағандыдағы ІІМ Академиясының жаңа басшысы болып тағайындалды.

Instagram парақшамызға жазылып, ең қызықты ақпараттарды бірінші болып оқыңыз!