"Меломен" тобының әншісі Ғабит Бибасыұлының бұрынғы әйелі бұған дейін өнер иесін тұрмыстық зорлық-зомбылыққа қатысты айыптаған еді , - деп хабарлайды Massaget.kz тілшісі.
Әншінің бұрынғы әйелі Нұрилла Ақберген әлеуметтік желідегі парақшасында соққыға жығылғаннан кейінгі видеосын да жариялады.
Ал Ғабит Бибасыұлы осы жайтқа қатысты пікір білдірді.
"Сұхбат берейін десем керек емес, ұят болады, ол да қазақтың қызы обал болады деп ұстап отырғандары ай. Есін жиса түсінер, санаңа берсін. Осындай тап-таза, нұрлы кезің болғанда бұлай сөйлемес едің ғой. Аман бол! Енді ісім психолог, коучсымақтармен болады", - деп жазды әнші.
Еске салайық, бұған дейін әншінің бұрынғы әйелі күйеуінің ұрған сәтінің видеосын жариялады.
Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!