“Сақ болайық, достар“. Сәкен Майғазиев алаяқтардан абай болуға шақырды

Танымал әнші Сәкен Майғазиев халықты алаяқтардан сақтануға шақырып, ескерту жасады, – деп хабарлайды Massaget.kz тілшісі.

"Алаяқтардан аяқ алып жүре алмайсың", – деп жазды ол әлеуметтік желідегі парақшасында алаяқтықтың жаңа тәсілін баяндайтын видео жариялап. 

"МузАРТ" тобының әншісі Сәкен Майғазиевтің мәліметінше, азаматтардың WhatsApp аккаунтын бұзып алып, таныстарына қарызға ақша сұрап жазып, хабарласатындар көбейіпті. 

Бұған дейін телефонға хабарласып "сізге біреу гүл жіберді" деп смс-код сұрайтындар пайда болған еді. 

Қайрат Нұртастың анасы әрі продюсері Гүлзира Айдарбековаға да алаяқтар хабарласқан. 

Әлеуметтік желідегі парақшасында Айдарбекова алаяқтар өзіне бірнеше мәрте қоңырау шалғанын және олардың қулықтарына алданып қала жаздағанын жеткізді. Оның айтуынша, алаяқтар қоңырау арқылы адамның жеке мәліметтерін алып, несие рәсімдеуге тырысады. Ол мұндай қоңыраулардың ерекше белгісін де айтып өтті. Экранда камераның белгісі пайда болады екен. Бұл алаяқтардың сіздің бейнеңізді жазып алып, оны алдау мақсатында қолданатын айласы болуы мүмкін.

Instagram парақшамызға жазылып, ең қызықты ақпараттарды бірінші болып оқыңыз!