"Сахнаға шығу жоспарымда жоқ". Адам танымастай күйге түскен Арман Қайназаров күтпеген мәлімдеме жасады
!["Сахнаға шығу жоспарымда жоқ". Адам танымастай күйге түскен Арман Қайназаров күтпеген мәлімдеме жасады](/userdata/news/news_86091/image_l.jpg)
Әлеуметтік желіде Арман Қайназаров есімді әншінің мәлімдемесі пайда болды. Оның сөзінше, сахнаға оралатын жоспары жоқ, - деп хабарлайды Massaget.kz тілшісі.
Ол ешқандай әнші өзіне қарыз емес екенін әрі продюсер іздеп жатпағанын жеткізді.
"Қолдау көрсеткендеріңізге рақмет. Соңғы болған жағдайларды өз аузымнан естіп-біліңіздер. 18 маусымда Тимур Нұғман бауырым көшеден тауып алып, бір күн қол ұшын берді. Сол үшін рақмет. Бірақ артынан көптеген жалған ақпарат таратқаны белгілі болды. Соңғы жағдайға байланысты "Нурикамал" авторы мен емеспін, жай орындаушымын. Ешбір әнші маған қарыз емес. Барлық әншіге ризамын. Бауырларым, туыстарым жанымда. Мені ешкім ренжіткен жоқ, өзім араққа тәуелді болғандықтан көшеге кетіп қалып жүрдім. Осы уақытқа дейін менің атымнан ақша жинаған жоқпыз. Менің атымнан ақша жиналып жатса, сенбеңіздер. Осы соңғы жағдай отбасыма, туыстарыма өте ауыр тиіп жатыр. Сондықтан жалған ақпараттарды жан-жаққа таратпауларыңызды сұраймын. Сахнаға шығу жоспарымда жоқ, продюсер іздеп жатқаным да жоқ. Ниеттеріңізге, көңілдеріңізге рақмет", - дейді ол.
Посмотреть эту публикацию в Instagram
Желі қолданушылары оған тек жақсы тілектерін айтқан.
"Міне нағыз ер азамат, өз өміріміз өз қолымызда, жақсы-жаман болуы да", "Адасқанның айыбы жоқ, қайтып үйірін тапқан соң" дейді. Алла тура жол берсін сізге", "Міне еркекше", - деп жазған олар.
Еске салайық, бұған дейін әлеуметтік желіде Арман Қайназаров есімді жігіттің аянышты жағдайдағы видеосы кең тарағаны хабарланған еді. Ол өзінің Қызылорда облысынан екенін айтқан болатын.
Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!
Ж. Қадыржанова