Африкалық жігітке тұрмысқа шыққан атыраулық өміріндегі жаңалықтарын бөлісті, - деп хабарлайды Massaget.kz тілшісі.
Желі жұлдызына айналған Заида Жаңабаева жақында Атырау қаласынан отбасылық бизнес ашқан. Бұл туралы Заида Instagram-парақшасында айтты.
Zikora_scholl деп аталатын орталықта Заида жұбайы Джессимен бірге балаларға, ересектерге ағылшын, неміс тілдерінде сабақ беріп жүр.
Заиданың Желідегі парақшасына жүктеген видеоларынан африкалық күйеу баланың қазақ тілінде сөздерді үйреніп жүргенін байқауға болады.
"Түсіндің бе? Сәлем" деген сөздерді еркін айтып жүрген Джесси бешбармақ жегенді де қатты ұнататынын жеткізген. Тіпті бешбармақ дайындауды да үйреніп алған.
Жақында ғана бұл жұп сәбилі болды. Олар перзентханадан шыққан сәттерінен де видеолар жүктеді.
Баян Жанұзақова
Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!