Әлемнің екінші ракеткасы Елена Рыбакина Штутгарттағы (Германия) WTA 500 санатындағы турнирдің жартылай финалында Мирра Андрееваны жеңді, - деп хабарлайды Massaget.kz тілшісі.
Қазақстанның үздік теннисшісі әлемнің тоғызыншы ракеткасын екі сетте — 7:5, 6:1 есебімен артта қалдырды. Матч 1 сағат 19 минутқа созылды.
Штутгарттағы турнирдің финалында Елена Рыбакина әлемнің үздік теннисшілері рейтингінде 12-орында тұрған чехиялық Каролина Муховамен кездеседі.
Кездесу 19 сәуірде Қазақстан уақытымен сағат 16:00-де өтеді.
Instagram-дағы бұл жарияланымды көру
Еске салайық, 1/8 финалда қазақстандық спортшы әлемнің 19-ракеткасы Диана Шнайдерді 6:3, 6:4 есебімен жеңген болатын. Ширек финалда Рыбакина басым түсіп, әлемнің 25-ракеткасы Лейла Фернандесті үш сетте — 6:7, 6:4, 7:6 есебімен артта қалдырды.
Өзекті жаңалықтарды өз уақытында оқу үшін Facebook парақшамызға жазылыңыз!
Massaget.kz