Роботтар – сапа кепілі: қазақстандық кәсіпорын теміржол бекітпелерінің өндірісі

Болашақ зауыты бүгіннен бастап: Алматы облысында орналасқан СП FastenersMetal ЖШС теміржол бекіткіштерін шығаратын зауытының роботтандырылған желілері жұмысымен таныстық.

"СП "FastenersMetal" бірлескен кәсіпорны – қазақстандық "Фирма "Бент" ЖШС мен қытайлық GKRailways компаниясы арасындағы серіктестіктің нәтижесі. Ынтымақтастық туралы келісімге осы жылдың маусым айында Алматы облысының әкімі Марат Сұлтанғазиевтің қатысуымен қол қойылған болатын.

Посмотреть эту публикацию в Instagram

Публикация от Almobl Akimat (@almobl_akimat)

Инновациялар іс жүзінде: жоғары технологияларға басымдық

"Біз озық технологиялар мен өндірісті роботтандыруға басымдық бердік. Біздің зауыт жылына 800 мыңнан астам темірбетон шпалдары мен 1,2 миллионнан астам теміржол бекіткіштерін шығара алады", – дейді компания президенті Д. Кузиев.

Дінмұхамед Кузиев қытайлық серіктесті таңдау кездейсоқ емес екенін атап өтті: GKRailways – жоғары жылдамдықты теміржолдарға арналған құрамдас бөлшектерді өндіруде әлемдегі көшбасшы компаниялардың бірі.

Қауіпсіздік және дәлдік: сапа кепілі – роботтар

«Біздің өндірістің басты ерекшелігі – жоғары деңгейдегі автоматизация», – деп түсіндіреді Дінмұхамед Кузиев.

Барлық күрделі және қауіпті операцияларды роботтар орындайды. Бұл қызметкерлер үшін қауіпсіздікті қамтамасыз етіп қана қоймай, жоғары дәлдікке де кепілдік береді, сондай-ақ өнімнің өндірістік құнын төмендетуге мүмкіндік береді.

Зауытта соңғы үлгідегі жабдықтармен жабдықталған жеке зертхана жұмыс істейді.

«Біз өнімнің барлық сапа стандарттарына сәйкестігін қамтамасыз ету үшін 400-ден астам сынақ түрін жүргіземіз», – дейді сертификаттау орталығының бас директоры Хаджиакбар Ширханов.

Жұмыс және болашақ: Қазақстан экономикасына қосқан үлес

Қазіргі таңда компаниялар тобының кәсіпорындарында 600-ден астам адам еңбек етеді. Олардың бірі – слесарь Әділхан Садықаев еңбек жағдайы мен кәсіби өсу мүмкіндіктеріне жоғары баға береді.

«Мен осындай заманауи кәсіпорында жұмыс істеп жатқаныма мақтанамын. Біз тек Қазақстанда ғана емес, шетелде де сұранысқа ие өнім шығарамыз, – деді ол.

СП FastenersMetal зауыты – Қазақстан-Қытай серіктестігінің табысты мысалдарының бірі. Кәсіпорын өңір тұрғындарын жұмыспен қамтамасыз етіп қана қоймай, инновациялар мен жоғары технологияларға басымдық бере отырып, Қазақстан экономикасының дамуына да өлшеусіз үлес қосуда. 

Алматы облысының әкімдігі ұсынған материал

Instagram парақшамызға жазылып, ең қызықты ақпараттарды бірінші болып оқыңыз!