Риддерде жарылыс болды: 6 адам зардап шекті

21 желтоқсан күні сағат 04:39-да Риддер ЖЭО таспалы транспортер учаскесінде жоспарлы жөндеу-монтаждау жұмыстарын жүргізу барысында тозаңды ауа қоспасының жарылысы болды, - деп хабарлайды Massaget.kz тілшісі "1720_yk" YouTube-каналына сілтеме жасап.

Нәтижесінде алты адам зардап шегіп, ауруханаға жатқызылды. Олардың жағдайы тұрақты деп бағаланды.

Риддердің ішкі саясат бөлімінің ақпараты бойынша, ЖЭО штаттық режимде жұмыс істейді. Үйлердегі температура қалыпты. Риддердегі сыртқы ауа температурасы: - 4 градус.

"Шығыс жылу" АҚ мамандары қаланы жылумен жабдықтау жүйесін тексеріп, түзеп жатыр, соның салдарынан желідегі қысым уақытша шамалы төмендеуі мүмкін.

Оқиға орнында Шығыс Қазақстан облысының әкімі Ермек Көшербаев жүр.

Еске салайық, бұл Риддердегі бірінші жағдай емес. Бұған дейін де Риддердегі ЖЭО-да апат болып, тұрғындар жылусыз қалды.

Аптаның басты оқиғалары мен пайдалы видеоларды көру үшін YouTube арнамызға жазылыңыз