Ресейдегі мұнай өңдеу зауытына ұшқышсыз ұшу аппаратымен соққы жасалды
Украина шекарасына жақын орналасқан Новошахтинскідегі Ресей мұнай өңдеу зауытында өрт болды, - деп хабарлайды Reuters.
Желіде тараған видеода зауытқа соққы ұшқышсыз ұшу аппараты көмегімен жасалғанын көруге болады.
"Сағат 09:25-те Красносулин ауданында орналасқан Новошахта мұнай өнімдері зауытының АВТ-1 (жылу алмастырғыш) ФАД А-270, 882 шақырымда өрт шыққаны туралы ақпарат келіп түсті. Қаза болғандар мен зардап шеккендер жоқ", - делінген облыс бойынша ТЖМ ММ мәлімдемесінде.
Сондай-ақ, МӨЗ-дегі өрт аумағы - 50 шаршы метр, өрттің таралу қаупі жоқ.
"Новошахта мұнай өнімдері зауыты" - Ростов облысындағы жұмыс істейтін жалғыз мұнай өңдеу зауыты. Зауыт мазут, пеш, кеме және дизель отынын, тікелей жұмыс істейтін бензинді өндірумен айналысады.
С. Сатыбалдина