Ресейде газ кетуінен көпқабатты үйде жарылыс болды, - деп хабарлайды Massaget.kz тілшісі Mash арнасына сілтеп.
Тамбов облысы Кирсанов қаласында тұрмыстық газ кетіп, үй жарылды. Оқиға салдарынан екі адам жан тапсырғаны белгілі болды.
"Коммунист көшесіндегі үйдің төртінші қабатында жарылыс болды. Кейін өрт шығып, адамдар эвакуацияланды. Сегіз адам ауруханаға жүгінді, екі адам қаза тапты", - деп хабарлады Mash.
Оқиғаның алдын ала себебі - газ кетуі. Үйдің төртінші және бесінші қабаттары қирап қалды. Өрт 150 шаршы метр аумақта тарады.
Оқиға орнында құтқарушылар жұмыс істеп жатыр.
Қызықты жаңалықтар мен видеоларды көру үшін TikTok арнамызға жазылыңыз!