Ресей үкіметі ресми түрде отставкаға кетті. Бұл туралы Ресей министрлер кабинетінің Telegram-арнасында айтылды, - деп хабарлайды Massaget.kz тілшісі.
Ресей премьер-министрі Михаил Мишустин үкіметті отставкаға жіберу туралы жарлыққа қол қойды.
"Ресей Федерациясының Үкіметі туралы" Федералдық конституциялық заңның 35-бабына сәйкес, Ресей Федерациясы Үкіметінің жаңадан сайланған Ресей президенті алдындағы өкілеттігін тоқтату туралы шешімі Ресей Федерациясының президенті қызметіне кіріскен күні Үкіметтің бұйрығымен ресімделеді", - делінген Ресей Федерациясы министрлер кабинетінің хабарламасында.
Премьер-министр, оның орынбасарлары мен министрлер министрлер кабинетінің жаңа құрамы бекітілгенге дейін міндетін атқарушы мәртебесінде жұмысын жалғастырады.
Сондай-ақ, Ресей Федерациясы президенті Әкімшілігі басшылығының өкілеттігі автоматты түрде аяқталады. Бұл мемлекет басшысының өзі тағайындайтын қызметтер туралы болып отыр. Заңға сәйкес, қызметке кіріскен президенттің шешімімен мұндай қызметкерлерге өз міндеттерін уақытша атқару жүктелуі мүмкін.
Қызықты жаңалықтар мен видеоларды көру үшін TikTok арнамызға жазылыңыз!