Ресей Қазақстанның аумақтық тұтастығына қауіп төндіруі мүмкін бе? Тоқаев жауап берді
![Ресей Қазақстанның аумақтық тұтастығына қауіп төндіруі мүмкін бе? Тоқаев жауап берді](/userdata/news/news_91518/image_l.jpg)
Президент Қасым-Жомарт Тоқаев "Ресей тарапы Қазақстанның аумақтық тұтастығына қауіп төндіруі мүмкін" деген сұраққа жауап берді, - деп хабарлайды Massaget.kz тілшісі.
Мемлекет басшысы Ресей мен Қазақстан арасындағы шекара делимитацияланғанын және жеткілікті деңгейде демаркацияланғанын мәлімдеді. Сондай-ақ мұны екі елдің Парламенті де растап, ратификациялаған.
"Сондықтан бізде Ресей тарапынан біздің аумақтық тұтастығымызға қауіп төндіреді деп алаңдауға негіз жоқ. Біз екіжақты негізде, сондай-ақ тиісті интеграциялық бірлестіктер шеңберінде тұрақты достық байланыстарды қолдаймыз", - деді Тоқаев.
Президент Қазақстан мен Ресейдің әлемдегі ең ұзын құрлық шекарасы бар екенін айтты.
Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!
М. Лұқпан