"Қазгидромет" 6 қазанға арналған ауа райы болжамын жариялады, – деп хабарлайды Massaget.kz тілшісі.
Болжам бойынша Қазақстан аумағының көп бөлігінде антициклон әсерінен жауын-шашынсыз ауа райы күтіледі. Алайда елдің солтүстік-батысында, шығысында, оңтүстігінде, оңтүстік-шығысында және республиканың орталық аймақтарында атмосфералық фронттардың өтуімен кей жерлерде жаңбыр жауып, найзағай ойнауы мүмкін. Әсіресе оңтүстік-шығыстың таулы аймақтарында және түнде елдің оңтүстігінде қатты жаңбыр күтіледі.
Метеорологтар Қазақстанның оңтүстік және оңтүстік-шығыс аймақтарында қатты жаңбыр мен найзағай туралы ескертеді. Елдің солтүстік-батысында, солтүстігінде, оңтүстігінде және шығысында желдің күшеюі күтілуде, ал түнгі және таңғы уақытта оңтүстік-шығыстың, солтүстік және солтүстік-батыстың таулы аймақтарында тұман болжанып отыр.
Сондай-ақ синоптиктер республиканың бірнеше аймақтарында жоғары өрт қаупі туралы ескертеді. Қарағанды облысында, Абай облысында, сондай-ақ Ақтөбе, Жамбыл, Қостанай, Шығыс Қазақстан және Маңғыстау облыстары мен Ұлытау облысының кейбір аудандарында орман және дала өрттерінің шығу қаупі жоғары.
Әсіресе жоғары өрт қаупі Атырау, Ақтөбе, Қызылорда, Жамбыл, Батыс Қазақстан облыстарында және Ұлытау облысында, сондай-ақ Түркістан, Қостанай, Қарағанды, Шығыс Қазақстан және Алматы облыстарының кейбір аудандарында болжанып отыр.
Өзекті жаңалықтарды өз уақытында оқу үшін Facebook парақшамызға жазылыңыз!