Пышақ және қару қолданған: Қызылордада жанжалдасқан бірнеше адам ұсталды
![Пышақ және қару қолданған: Қызылордада жанжалдасқан бірнеше адам ұсталды](/userdata/news/news_83344/image_l.jpg)
Қызылордалық полицейлер ізін суытпай бұзақылық жасаған күдіктілерді ұстады, - деп хабарлайды Massaget.kz тілшісі.
Polisia.kz-тің хабарлауынша, 13 мамыр таңғы сағат 7 шамасында полиция басқармасына көпқабатты үй ауласында белгісіз азаматтар қару қолданып, төбелесіп жатқаны туралы хабарлама түскен.
Жалдамалы пәтерде бірнеше таныс азамат бір-бірімен сөзге келіп, кейін пышақ және травматикалық қару қолданып, жанжалдасып, барлығы оқиға орнынан бой тасалағаны белгілі болды.
Екі күдікті қала аумағында ұсталса, тағы екеуі автокөлікпен Самара-Шымкент тас жолында ұсталды. Қалған күдіктілерді іздестіріліп жатыр.
Ұсталғандар Шымкенттің және Маңғыстау облысының тұрғындары болып шықты.
Оқиға орнынан және автокөліктен айғақты заттар алынды. Екі адамға медициналық көмек көрсетілді. ҚР ҚК-нің 293-бабы 3-бөлігінің 2-тармағымен сотқа дейінгі тергеп-тексеру әрекеттері жүріп жатыр. Сараптамалар тағайындалды. Оқиғаның мән-жайы анықталып жатыр.
Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!
М. Лұқпан