Психикалық ауытқуы бар ер адам екі оқушы қызды зорламақ болған

Алматы облысында психикалық бұзылысы бар ер адам қоғамдық дәретханада екі оқушы қызды зорламақ болған. Қыздар қаскөйдің қолынан сытылып үлгерген. Бұл туралы облыстық полиция депратаменті мәлімдеді, - деп хабарлайды Мassaget.kz.

Полиция департаментінің мәліметінше, оқиға 9 шілдеде Ұйғыр ауданы Шонжы ауылында болған.  

"Екі дерек бойынша ұсталған адамға қатысты ҚР Қылмыстық кодексінің 24-бабы 3-бөлігі 120-бабы, 3-2-бөлігі, яғни "Зорлауға оқталу" бойынша қылмыстық іс қозғалды", - деді Алматы облысы ПД баспасөз қызметі өкілдері. 

Полицейлер 31 жастағы ер адамды ұстады.

"Оның психикалық дамуы тежелген, мүгедектігі бар және психоневрологиялық диспансерде есепте тұрады", - деді Алматы облысы ПД баспасөз қызметі.

Соңғы процессуалдық шешім арнайы психиатриялық сараптаманың қорытындысы негізінде қабылданады.