Психиатр ұзақ уақыт көңіл күй болмай жүруінің себебін атады

Ангедония - қуаныш пен рахатты сезінбеу. Ол қанша уақытқа созылуы мүмкін? Дәрігерге бару керек пе? Бұл сауалдарға психиатр жауап берді, - деп хабарлайды Massaget.kz тілшісі doctorpiter.ru-ға сілтеме жасап.

Сүйікті хобби, спорт, достармен қарым-қатынас бір кездері қуанышқа бөлеуі мүмкін, алайда кенет адам бұл сезімді сезінбеуі мүмкін. 

"Бұл - бұрын ләззат пен жағымды эмоциялар әкелген әрекеттер мен оқиғалардан адам қуанышқа бөлене алмайтын кездегі психикалық ауытқу", - дейді психиатр Наталья Тищенко.

Ангедонияның бірнеше белгісі бар:

• көңіл-күйдің төмендеуі;
• апатия;
• мазасыздық пен жайсыздық;
• тұйық болу, бұрын сөйлескенді ұнататын адамдармен сөйлескісі келмеу.

Аурудың басталуын бақылау қиын. Барлығы баяу дамиды, уақыт өте келе симптомдары күшейеді.

• Ангедонияның себептері

"Көбіне бұл жағдай ұзақ мерзімді күйзеліс пен тұрақты шиеленіске, соматикалық аурулардың болуына немесе мидың жарақатына байланысты дамиды", - дейді дәрігерлер.

Наталья Тищенконың айтуынша, ангедония күйзеліс, соматикалық патологияның белгісі (қалқанша безінің бұзылуы, анемия, дәрумен тапшылығы) және әртүрлі психикалық жағдайлардың симптомы, шизофренияның көрінісі болуы мүмкін.

• Қашан маманға жүгіну керек?

"Егер екі аптадан аса уақыт бойы көңіл күйіңіз жоқ болып, ангедонияның басқа белгілерін сезінсеңіз, диагноз қою үшін маманға бару керек. Ангедонияның себебін тауып, оны шешу керек", - дейді Наталья Тищенко.

Ангедония жүйке ауруына әкеп соғуы мүмкін. Сондықтан мамандардың көмегін елемеуге болмайды.

Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!