Прокурор Бишімбаев неге өмір бойына сотталмағанын түсіндірді

Прокурор Саяхат Нұрбеков Қуандық Бишімбаевқа неге 24 жыл берілгенін түсіндірді, - деп хабарлайды Massaget.kz тілшісі.

"Бишімбаевқа түпкілікті 24 жылға бас бостандығынан айыру жазасы тағайындалды. Соны сұрадық. Бишімбаев жазасын қауіпсіздік деңгейі барынша қатаң мекемеде өтейді. Себебі ол бұрын да сотталған. Ал Байжановқа 4 жыл бас бостандығынан айыру жазасын сұрадық. Ол жазасын қауіпсіздігі орташа мекемеде өтейді", - дейді прокурор.  

Сонымен қатар, прокурор Бишімбаев неліктен өмір бойына сотталмағанын түсіндірді. 

"Республика бойынша кейінгі бес жылда мұндай істерде өмір бойына бас бостандығынан айыру жазасы тағайындалмаған", - дейді прокурор Саяхат Нұрбеков. 

Еске салайық, бүгін Бишімбаев ісіне қатысты соңғы сот отырысы өтті. Үкім бойынша Бишімбаев 24 жыл, Байжанов 4 жылға сотталды. 

Instagram парақшамызға жазылып, ең қызықты ақпараттарды бірінші болып оқыңыз!