Президент Ресей хоккей федерациясының президенті Владислав Третьякты қабылдады
![Президент Ресей хоккей федерациясының президенті Владислав Третьякты қабылдады](/userdata/news/news_106536/image_l.jpg)
Мемлекет басшысы Ресей хоккей федерациясының президенті Владислав Третьякты қабылдады, - деп хабарлайды Massaget.kz тілшісі.
Кездесуде ТМД елдерінде хоккейді дамыту мәселелері талқыланды.
Президент Қасым-Жомарт Тоқаев соңғы жылдары Қазақстанда хоккей спортының ауқымы айтарлықтай кеңейгенін атап өтті.
Мемлекет басшысының пікірінше, елордалық "Барыс" клубы бастаған отандық командалардың ҚХЛ чемпионатына және басқа да турнирлерге қатысуы, сондай-ақ ұлттық құраманың әлемдік біріншіліктерде табысты өнер көрсетуі аталған спорт түрін кеңінен дәріптеуге оң ықпал етеді. Атап айтқанда, Қазақстанда хоккей мектептері мен жастар командалары көбейіп, түрлі деңгейдегі жарыстар белсенді ұйымдастырыла бастады.
Владислав Третьяк қонақжайлық танытқаны және Астанада өтіп жатқан "Qazaqstan Hockey Open 2024" халықаралық турнирінің жоғары деңгейде ұйымдастырылғаны үшін ризашылығын білдірді. Сондай-ақ ол Қазақстан хоккейінің өкілдері едәуір табысқа жеткеніне назар аударып, мұндай жетістік спорттың командалық түрлеріне мемлекет тарапынан лайықты деңгейде мән берілуінің нәтижесі екенін айтты.
Өзекті жаңалықтарды өз уақытында оқу үшін Facebook парақшамызға жазылыңыз!
С. Сатыбалдина