Президент халықаралық қоғамдастықты ауған халқына көмек беруге шақырды
![Президент халықаралық қоғамдастықты ауған халқына көмек беруге шақырды](/userdata/news/news_95301/image_l.jpg)
Қазақстан Президенті Қасым-Жомарт Тоқаев ҰҚШҰ Ұжымдық қауіпсіздік кеңесінің шағын құрамда өткен сессиясында Ауғанстандағы күрделі ахуалға назар аударды, - деп хабарлайды Massaget.kz тілшісі.
Мемлекет басшысы халықаралық қоғамдастықты ауған халқына көмек беру ісін жалғастыруға шақырды.
"Ауған халқына гуманитарлық көмек көрсетуді жалғастыру және тауқыметі көп осы елдің өңірлік экономикаға интеграциялануына ықпал ету маңызды деп санаймыз. Биыл Қазақстан Ауғанстанға азық-түлік, аса қажетті тауарлар мен дәрі-дәрмек жөнелтті. Қазан айында Ауғанстанның батысында болған жер сілкінісіне байланысты көмек көрсетілді. Герат қаласына құтқарушылар, кинологтар мен медицина қызметкерлері жіберілді", - деді Мемлекет басшысы.
Өзекті жаңалықтарды өз уақытында оқу үшін Facebook парақшамызға жазылыңыз!
М. Лұқпан