Президент экс-сенатор Ләззат Қалтаеваға ризашылық білдірді

Президент экс-сенатор Ләззат Қалтаеваға Парламенттің жоғары палатасындағы белсенді және жемісті жұмысы үшін ризашылық білдірді, – деп хабарлайды Massaget.kz тілшісі.

Бұл туралы Президенттің кеңесшісі әрі баспасөз хатшысы Берік Уәли әлеуметтік желідегі парақшасында жазды.

Президент оның тәжірибесі мен білімі еліміздің қоғамдық-саяси өмірін одан әрі дамытуға үлес қоса беретініне сенімді екенін атап өтті.

Еске салайық, Тоқаев 4 қазанда сенатор Ләззат Қалтаеваның өкілетін тоқтатқан еді.

Ләззат Қалтаева 1965 жылы 4 ақпанда дүниеге келген.

2001 жылы "Шырақ" мүгедектігі бар әйелдер қауымдастығын басқарды.

2006 жылдан бері Алматы мүгедектер ұйымдары қауымдастығының төрағасы. Сол жылы Қазақстан Президенті жанындағы Әйелдер істері және отбасылық-демографиялық саясат жөніндегі ұлттық комиссияның мүшесі болды.

2016 жылы Алматы мәслихатының депутаты болды.

Өзекті жаңалықтарды өз уақытында оқу үшін Facebook парақшамызға жазылыңыз!