Президент "Ару-Ана" үздік әйелдер жобасы байқауының жеңімпаздарын марапаттады
![Президент "Ару-Ана" үздік әйелдер жобасы байқауының жеңімпаздарын марапаттады](/userdata/news/news_102771/image_l.jpg)
Фото:
Akorda.kz
Президент Қасым-Жомарт Тоқаев "Ару-Ана" үздік әйелдер жобасы байқауының жеңімпаздарын марапаттады, - деп хабарлайды Massaget.kz тілшісі.
Ақорадның хабарлауынша, бұл жолы марапат түрлі салада әлеуметтік маңызы бар жобаларды жүзеге асырып, азаматтық қоғамның дамуына елеулі үлес қосып жүрген қыз-келіншектерге алты номинация бойынша табысталды.
"Ару-Ана" байқауының жеңімпаздары:
- "Ауыл әйелдерін дамытуға арналған үздік жоба" номинациясы бойынша – Елшібаева Бақытгүл Қазезбайқызы;
- "Ғылым саласындағы үздік жоба" номинациясы бойынша – Шакуликова Гүлзада Тәңірбергенқызы;
- "Азаматтық сана-сезімді дамыту бағытындағы үздік жоба" номинациясы бойынша – Ахмеджанова Әлия Серікболқызы;
- "Ұлттық мәдени мұраны насихаттау бағытындағы үздік жоба" номинациясы бойынша – Михалёва Анастасия Анатольевна;
- "Агробизнес саласындағы үздік жоба" номинациясы бойынша – Арқашбаева Ботагөз Махамбетқалиқызы;
- "Креативті индустрия саласындағы үздік жоба" номинациясы бойынша – Еділбекова Мәдина Еділбекқызы.
Президент Қасым-Жомарт Тоқаев Халықаралық әйелдер күніне арналған мерекелік шараға қатысты. Ол салтанатты жиынға қатысқан әйелдер қауымын мерекемен құттықтап, сөз сөйледі.
Өзекті жаңалықтарды өз уақытында оқу үшін Facebook парақшамызға жазылыңыз!
М. Лұқпан