Президент әкімшілігінде ауыс-түйіс жүрді

Президент әкімшілігінде ауыс-түйіс жүрді, - деп хабарлайды Massaget.kz тілшісі.

Нұрдәулет Төлеев

Мемлекет басшысының өкімімен Нұрдәулет Төлеұлы Төлеев Қазақстан Республикасы Президенті әкімшілігінің Жалпы бөлімінің меңгерушісі лауазымынан босатылды.

Нұрдәулет Төлеев 2008 жылғы қарашадан бастап Қазақстан Республикасы Президентінің әкімшілігінде жұмыс істеп келеді:

• әкімшілік басшысының хатшылығында консультант, Қазақстан Республикасы Президенті кеңсесінің инспекторы, сектор меңгерушісі болды.
• 2019 жылғы шілдеде Мемлекет басшысының өкімімен Қазақстан Республикасы Президенті әкімшілігі Жалпы бөлімінің меңгерушісі болып тағайындалды.

Ербол Адаев

Оның орнына Ербол Дәненұлы Адаев Қазақстан Республикасы Президенті әкімшілігінің Жалпы бөлімінің меңгерушісі болып тағайындалды.

Алексей Калайчиди

Мемлекет басшысының өкімімен Алексей Дмитриевич Калайчиди Қазақстан Республикасы Президенті әкімшілігінің Құқық қорғау жүйесі бөлімінің меңгерушісі лауазымынан босатылды.

Ол Президент әкімшілігіне 2008 жылы келген:

• 2008-2016 жылдары Қазақстан Республикасы Президентінің әкімшілігі Құқық қорғау жүйесі бөлімінің инспекторы, сектор меңгерушісі, бөлім меңгерушісінің орынбасары болды;
• 2016-2019 жылдары Қазақстан Республикасы Президентінің әкімшілігі Құқық қорғау жүйесі бөлімінің меңгерушісі; 
• 2021 жылғы шілдеден 2023 жылғы 31 тамызға дейін Қазақстан Республикасы Президентінің әкімшілігі Қауіпсіздік және құқықтық тәртіп бөлімінің меңгерушісі;
• 2023 жылғы 1 қыркүйектен бастап Қазақстан Республикасы Президентінің әкімшілігі Құқық қорғау жүйесі бөлімінің меңгерушісі болды.

Дәурен Ерғарин

"Мемлекет басшысының өкімімен Дәурен Тілекұлы Ерғарин Қазақстан Республикасы Президенті әкімшілігінің Құқық қорғау жүйесі бөлімінің меңгерушісі лауазымына тағайындалды", - деп жазылған хабарламада.

Айта кетейік, Дәурен Ерғарин бұған дейін сыбайлас жемқорлыққа қарсы қызмет саласында жұмыс істеген.

Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!