Полиция "ұрып соқты" деп видео түсіргендер жазаланды
![Полиция "ұрып соқты" деп видео түсіргендер жазаланды](/userdata/news/news_76385/image_l.png)
Жаңажылдық отырыстан кейін төбелес шығарғандар жауапкершілікке тартылды, - деп хабарлайды Massaget.kz тілшісі Polisia.kz сайтына сілтеме жасап.
Басылым мәліметінше, мейрамхананың сыртқы бақылау камераларынан төбелестің басталғаны жазылған бейне тәркіленді. Полиция қызметкерлері "Ұлытау" мейрамханасының жанында 9 төбелеске қатысушыны анықтады, олардың арасында әйел адамдар да бар.
Осы оқиғаға қатысушылардың екеуіне ҚР ӘҚБтК-нің 667-бабымен "Билік өкілдеріне бағынбау", төртеуіне ҚР ӘҚБтК-нің 434-бабымен "Ұсақ бұзақылық" бойынша хаттамалар толтырылды.
Ал полиция қызметкерлерінің ар-намысы мен қадір-қасиетіне нұқсан келтіретін жалған мәліметтерді телефонға түсіріп, таратқан әйел мен такси жүргізушісіне қатысты ҚР ӘҚБтК 73-3-бабымен "Жала жабу" бойынша әкімшілік құқық бұзушылық туралы хаттама толтырылды. Барлық материал заңды шешім қабылдау үшін Ақтөбе қаласының әкімшілік сотына жолданды.
Еске салайық, бұған дейін полиция тәртіп сақшылары мейрамханада төбелес шығарғандарды ұрғаны туралы ақпаратқа жауап берген болатын.
Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!
С. Сатыбалдина