Полиция Рудныйдағы мектепте қылмыстық шабуыл жасалатыны туралы хабарға жауап берді
![Полиция Рудныйдағы мектепте қылмыстық шабуыл жасалатыны туралы хабарға жауап берді](/userdata/news/news_103475/image_l.jpg)
Әлеуметтік желіде Рудныйдағы мектептердің біріне қылмыстық шабуыл жасалатыны туралы хабар тарады. Полиция бұл ақпаратқа қатысты пікір білдірді, - деп хабарлайды Massaget.kz тілшісі.
Рудный полиция басқармасының мәліметінше, әлеуметтік желілерде мектептердің бірінде белгісіз адамдар қылмыс дайындап жатқандығы туралы жалған ақпарат таратылған.
Бұл дерек полицияда тіркелген. Жарияланымның авторын анықтау бойынша тиісті іс-шаралар жүргізіліп жатыр.
"Азаматтардан арандатушылыққа берілмеуін, хабарламаның қайта бағытталуына жол бермеуін және тек ресми ақпаратқа сенуін сұраймыз", - делінген полиция хабарламасында.
Естеріңізге сала кетейік, жалған ақпарат таратқаны үшін қылмыстық жауапкершілік қарастырылған.
Қызықты жаңалықтар мен видеоларды көру үшін TikTok арнамызға жазылыңыз!
С. Сатыбалдина