Желіде Шығыс Қазақстан облысында соққыға жығылған қыздың өз-өзіне қол жұмсап жатқаны бейнеленген видео тарап жатыр. Бұл видеоның ШҚО-дағы жағдайға қатысы жоғы анықталды, - деп хабарлайды Massaget.kz тілшісі Тengrinews.kz-ке сілтеме жасап.
Видеоны редакцияның WhatsApp нөміріне оқырмандардың бірі жіберген. Кадрда қыздың телефон арқылы өзін видеоға түсіріп, төмен секіретінін айтқаны көрінеді. Ол мұны өз еркімен жасайтынын, оны бұл әрекетке итермелеп жатқан ешкім жоғын және ешкімді кінәламайтынын айтады, сонымен қатар, барлығынан кешірім сұрайды. Кейін видеодағы қыз көпқабатты үйдің балконынан секіреді.
"Шығыс Қазақстан облысында соққыға жығылған қыз өз-өзіне қол жұмсады деп жатыр. Мына ақпаратты тексере аласыз ба? Бұл жалған ба әлде шынымен солай ма?" - деп жазды оқырман.
Бұл жағдайға байланысты Tengrinews.kz редакциясы Ішкі істер министрлігіне ауызша сауал жолдады. Бұл оқиғаның қашан, қай жерде болғанын, өз-өзіне қол жұмсаған қыз шынымен де Өскемендегі сауда орталығында қатты соққыға жығылған құрбан болғаны туралы рас-өтірігін департаменттен сұрады. Ішкі істер министрлігінің баспасөз қызметі өкілдері бұл дерек биыл ақпанда Алматыда болғанын хабарлады.
Одан әрі редакция Алматы Полиция департаментінің баспасөз қызметі өкілдеріне хабарласып, бұл оқиғаның Алматыда болғанын және оның Шығыс Қазақстан облысындағы оқиғаларға еш қатысы жоғын растады. Сондай-ақ, өз-өзіне қол жұмсамақ болған қыздың тірі қалғаны белгілі болды.
"Бұл дерек биыл ақпанда Жетісу ауданында болған. 2007 жылы туған қыз 7-қабаттан секірді. Қыз тірі қалды", - деді қалалық полицияның баспасөз хатшысы Салтанат Әзірбек.
Еске салайық, сәуірдің басында әлеуметтік желіде өскемендік қыздың соққыға жығылған видеосы пайда болған еді. Видео дәретханада түсірілген, онда бір қыз екіншісін қатыгездікпен ұрады. Тағы бір қыз оқиғаның бәрін видеоға түсірген.
Қызды аяусыз соққыға жыққан: видеоны таратқандар жазаланады
Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!