Петропавлдағы жаратылыстану-математика бағытындағы Назарбаев зияткерлік мектебінде төтенше жағдай болды. Оқушы үшінші қабаттың терезесінен құлап кетті, - деп хабарлайды Massaget.kz тілшісі.
Оқу орны мәліметінше, қазір оқиғаның себептері мен мән-жайы анықталып жатыр.
"17 ақпанда мектеп оқушысы үшінші қабаттан құлап, жарақат алды. Қазір ол медициналық мекемеде жатыр", - деді Петропавлдағы НЗМ баспасөз қызметі өкілі.
Облыстық Денсаулық сақтау басқармасы өкілі зардап шеккен жасөспірім түрлі жарақатпен көпбейінді қалалық ауруханаға жеткізілгенін айтты.
"Ол жансақтау бөлімінде жатыр, жағдайы ауыр, бірақ есін біледі", - деп жазылған хабарламада.
Оқушының жасы 18-де екені айтылды.
Қызықты жаңалықтар мен видеоларды көру үшін TikTok арнамызға жазылыңыз!
Ж. Қадыржанова