Петропавлда үш сағаттан аса уақыт бойы құтқарушылар алапат өртті сөндірді

Петропавлда Конституция көшесіндегі көппәтерлі тұрғын үйдің бірінші қабатында орналасқан азық-түлік дүкенінен өрт шыққан, - деп хабарлайды Massaget.kz тілшісі.

Тұрғындар шұғыл түрде эвакуацияланды.

Төтенше жағдайлар министрлігінің сағат 6.35-тегі мәліметі бойынша 68 адам, соның ішінде 18 бала эвакуацияланған.

"Эвакуацияланғандарды жылыту үшін вахтовка жұмылдырылды. Оқиға орнында ТЖД бастығының басшылығымен 3 өрт сөндіру учаскесі мен жедел штаб ұйымдастырылды. ТЖД психологтары да жұмыс істеп жатыр", - деп жазылған ТЖМ хабарламасында.

5 тұрғынға, оның ішінде 2 балаға шұғыл психологиялық көмек көрсетілген.

Барлығы 70-ке жуық жеке құрам және 18 ТЖД техникасы жұмылдырылған. 

Төтенше жағдайлар министрлігінің сағат 8.16-дағы мәліметі бойынша өрт оқшауланған.

"Өртті сөндіру қатты түтінге, көптеген жанғыш материалдан туындаған өртке байланысты қиындады", - деп жазылған хабарламада.

ТЖД-да +7 (7152) 52-25-29 жедел желі телефондары ашылды.

Қызықты жаңалықтар мен видеоларды көру үшін TikTok арнамызға жазылыңыз!