Петропавлда бұрын жазаланған жас жігіт полицейлерден кек алған
![Петропавлда бұрын жазаланған жас жігіт полицейлерден кек алған](/userdata/news/news_102625/image_l.jpg)
Петропавл полицейлері осыған дейін тыныштықты бұзып, жазаланғаны үшін тәртіп сақшыларынан кек алған 18 жастағы жігіт ұстап, әкімшілік жауапкершілікке тартты, - деп хабарлайды Massaget.kz тілшісі polisia.kz-ке сілтеме жасап.
Петропавлда 4 наурызда сағат 08:20 шамасында № 11 учаскелік полиция пунктінің қызметкері қызметке келіп, сынған әйнектер мен полиция пункті тамбурының ашық кіреберіс есігін байқаған. Бейнебақылау камераларының жазбасын қарап шыққаннан соң кінәліні тез анықтау мүмкін болды. Ол сол күні таңертең тыныштықты бұзғаны үшін әкімшілік жауапкершілікке тартылған 18 жастағы қала тұрғыны болып шықты. Тиісінше қоңырау сағат 04:20 шамасында "102" арнасына түскен.
Құқық бұзушының айтуынша, түнгі уақытта жабық болған полиция пунктінің мүлкін зақымдауын өзінің мас болуы және оған салынған айыппұлға ашулану себеп болған. Бейнежазбадан оның терезені сындырып, учаскелік полиция пунктінің үй-жайының кіреберіс темір есігін бұзып кірмекші болғанын көруге болады. Медициналық куәландыру көрсеткендей, құқық бұзушы мас күйінде болған.
"Аталған факті бойынша Қазақстан Республикасы Әкімшілік құқық бұзушылық туралы кодексінің 147-1 бабы бойынша материал жиналды. Бесінші наурызда әкімшілік соттың шешімімен жас жігіт 15 тәулікке қамауға алынды", - деп хабарлады бірінші полиция бөлімінің бастығы Тілеген Әлжанов.
Қызықты жаңалықтар мен видеоларды көру үшін TikTok арнамызға жазылыңыз!
М. Лұқпан