Педофилдердің құрбаны болғандардың көбі өз үйінде зорланған

Мамандар педофилдерді анықтау үшін сауалнама жүргізді. Сауалнама нәтижесінде құрбан болғандардың көбі өз үйінде зорланғаны белгілі болған. Бірақ бұл әдіс қылмыскерлерді ұстауға көмектеседі деген сөз емес, - деп хабарлайды Diapazon.

Ақтөбе облысының полиция департаменті ересектердің бүлдіршіндерге жасаған зәбір көрсетуі секілді қылмыстардың ахуалы туралы айтты.

"Елде кәмелетке толмағандарға қатысты жасалатын қылмыстардың басым бөлігін балаларға қатысты зорлық-зомбылық, оның ішінде жыныстық зорлық-зомбылық құрайды. Ересектерден зәбір көретіндердің 70 пайызы үйінен шықпай-ақ зорлыққа ұшыраған. Бүлдіршіндерге, негізінен, өз әкелері, не өгей әкелері, туған-туыстары мен әке-шешесінің достары қысым көрсетеді", - дейді жергілікті полиция қызметі бастығының орынбасары Амантұрлы Тәкешев.

Полиция қызметкері мұндай қылмыстарды алдын алу үшін сауалнамалардың көмегі қажет екенін, алайда бұл жүйе толық әзірленбегенін, себебі сауалнамада мұндай деректерді көрсетпейтінін айтты.