Павлодарда бұрынғы прокурор сотталды. 55 жастағы ер адам алаяқтық жасағаны үшін кінәлі деп танылды, - деп хабарлайды Massaget.kz тілшісі pavlodarnews.kz-ке сілтеме жасап.
55 жастағы экс-прокурор екі адамға көмектесуге сөз берген: олардың біріне қатысты экономикалық тергеу департаменті қылмыстық қудалау жүргізсе, екіншісі мал ұрлығы үшін жазаға тартылған. Павлодарлық тұрғын туыстарына өзінің "заңгер және сот пен прокуратурада байланысы бар адам" екенін айтқан. Ер адам мәселені шешуге және тергеудегі адамдарды босатуды уәде еткен. Бірінші жағдайда өзінің қызмет ақысын 10 миллион 77 мың теңгеге, екіншісінде сегіз миллион теңгеге бағалаған. Қажетті соманы жинау үшін айыпталушылардың туыстары несие алып, мүлкін сатқан.
Облыстық соттың баспасөз қызметінің мәліметінше, бұл қылмыстық істі қозғау барысында тағы бір заң бұзушылық қаралды – бұрынғы прокурор Фемида қызметкерлерінің бұйрығын жарты жылдан астам уақыт бойы орындамаған. Өндіріп алу сомасы он мың айлық есептік көрсеткіштен асты. Сот бұл шешімді 2021 жылы қабылдады. Сондай-ақ, ол өзінің танысынан 150 мың доллар қарыз алған. Сот оған қарызды қайтаруды міндеттесе де, әйел адам ақшасын әлі қайтара алмаған.
Экс-прокурор басқа аймақта алаяқтық жасағаны үшін сотталған, бірақ мерзімінен бұрын босатылған.
Қылмыстардың қайталануын ескере отырып, павлодарлық екі бап: 430-баптың үшінші бөлігі "Сот үкімін, сот шешімін немесе өзге де сот актісін орындамау", 190-баптың үшінші бөлігі – "Алаяқтық" бойынша кінәлі деп танылды.
Экс-прокурор сот барысында қамауға алынды. Үкім заңды күшіне енген жоқ
Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!