Павлодардағы мектеп асханасында тамақтан құрт шықты

Павлодардағы Мұхтар Әуезов атындағы орта мектептің оқушысы асханадағы тамақтан құрт шыққаннын айтты. Әлеуметтік желіде тамақтың суреті тарап кетті. Мектеп әкімшілігі бұл оқиғаға қатысты пікір білдірді, - деп хабарлайды Massaget.kz тілшісі.

Әлеуметтік желіде тамақ ішінде табылған құрттың суреті тарады. Ашынған ата-аналар мектепті тексеруді талап етті. Мектеп оқушыларының айтуынша, тамақтан табылған құрт тірі болған.

Мектеп әкімшілігі бұған қатысты пікір білдірді. 

"Бүгін ботқадан жеміс құрты табылды. Әкімшілік, оқушыларды өзін-өзі басқару өкілдері мен ата-аналар өнімдер мен дәнді дақылдарға жедел тексеру жүргізді. Тексеру қорытындысы бойынша ботқа дайындалған жарманың таза екені, ботқа да бүгін дайындалғаны анықталды", - деп жауап берді мектеп әкімшлігі. 

Посмотреть эту публикацию в Instagram

Публикация от vseobovsem_pvl ВСЕ обо ВСЕМ ПАВЛОДАР (@vseobovsem_pvl)

Сондай-ақ, олар мектеп асханасында алма сатылып жатқанын түсіндірді. 

Massaget.kz тілшісі бұл жағдайға қатысты Павлодар қалалық білім басқармасына сауал жолдады. 

"Қалалық санитарлық-эпидемиологиялық қадағалау басқармасына тексеру жүргізу туралы хат жолданды. Бүгін басқарма бұл деректі тексереді. Мектеп директорына сөгіс түріндегі тәртіптік жаза тағайындалды", - деп жауап берді қалалық білім басқармасы өкілдері. 

Instagram парақшамызға жазылып, ең қызықты ақпараттарды бірінші болып оқыңыз!