Павлодарда трамвай жүргіншіні қағып кеткен: зардап шеккен адам қаза тапты

Павлодарда жол апатынан жаяу жүргінші қаза тапты, - деп хабарлайды Massaget.kz тілшісі ІІМ баспасөз қызметіне сілтеме жасап.

29 маусымда сағат 22:27 шамасында қала полициясына Мәшһүр Жүсіп - М.Горький көшелері қиылысында трамвай вагонының жүргізушісі 58 жастағы жаяу жүргіншіні қағып кеткені туралы хабарлама түскен.

Жол апаты салдарынан жаяу жүргінші алған жарақаттарынан оқиға орнында қайтыс болды. Оқиғадан кейін жүргізуші жол апаты болған жерден кетіп қалған.

Осы дерек бойынша полиция ҚР Қылмыстық кодексінің 345-бабы 3-бөлігі бойынша соталды тергеп-тексеруді бастады. Қажет сараптамалар тағайындалды. Трамвай анықталды, тексерілді және мөрленді.

Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!