Павлодарда сотталушы бейнебақылау камерасының көмегімен ажалдан аман қалды

Павлодарда сотталушы бейнебақылау камерасының көмегімен ажалдан аман қалды. Қазір оның өміріне қауіп төніп тұрған жоқ, - деп хабарлайды Massaget.kz тілшісі pavlodarnews.kz-ке сілтеме жасап.

ҚР ІІМ Қылмыстық-атқару жүйесі комитетінің мәліметінше, колония қызметкерлері бейнебақылау камераларының көмегімен сотталған адамның өмірін сақтап қалды.

Павлодар облысы бойынша ҚАЖД № 47 (қауіпсіздігі барынша төмен) мекемесінің жасағында сотталғандардың бірі өзін нашар сезініп, төсегінде қимылсыз жатқан. Бейнебақылау бекетінің операторы сотталған адамның қозғалмай жатқанын байқап, кезекші нарядты жасаққа жіберген.

"Колония қызметкерлері бөлмеге кіргеннен кейін ер адамды ес-түссіз күйде көрген. Офицерлер оны бүйіріне жатқызып, терезені ашты. Қысымы жоғары болды. Сотталған адамның бетінің өзгергенін көріп, колония қызметкерлері оның инсульт екенін түсінген соң мекеменің медициналық қызметкері мен жедел жәрдем шақырды", - деп хабарлады комитеттің баспасөз қызметі.

Жедел жәрдем келген соң ер адам жансақтау бөліміне жатқызылды. 

Қызықты жаңалықтар мен видеоларды көру үшін TikTok арнамызға жазылыңыз!