Павлодарда мотоциклшіні көлік қағып кетті

Павлодарда мотоциклшіні көлік қағып кетті. Зардап шеккен жүргізуші жеңіл жарақаттар алған, - деп хабарлайды Massaget.kz тілшісі pavlodarnews.kz-ке сілтеме жасап.

Облыстық полиция департаменті баспасөз қызметінің мәліметінше, Катаев - Ломов көшелерінің қиылысында Hyundai Accent маркалы автокөлік пен Suzuki маркалы мотоцикл соқтығысты.

Жол-көлік оқиғасы салдарынан зардап шеккен мотоцикл жүргізушісіне медициналық көмек көрсетілді. 

"Аталған факті бойынша тексеріс жүргізіледі", - деп хабарлады ведомство. 

Облыстық жедел жәрдем станциясы баспасөз қызметінде  зардап шеккен 26 жастағы мотоцикл жүргізушісі жеңіл жарақаттар алғандықтан, ауруханаға жеткізудің қажеті болмағанын хабарлады.

Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!