Павлодарда ер адамдар жол бойында төбелесті. Жүргізушілер арасындағы жанжал төбелеске ұласқан, - деп хабарлайды Massaget.kz тілшісі pavlodarnews.kz-ке сілтеме жасап.
Оқиғаны куәгерлер видеоға түсіріп алды. Әлеуметтік желіде тараған видеода орта жастағы ер адамдардың бір-бірімен жаға жыртысып, ұрып-соғып жатқанын көруге болады. Оқиға дәл жолдың бойында болған.
Облыстық полиция департаменті болған оқиғаға түсінік берді.
"Жанжалдасқандар анықталды. Ұсақ бұзақылық фактісі бойынша әкімшілік іс қозғалды. Тергеу іс-шараларының нәтижесі бойынша іс жүргізу материалдары сотқа жіберілді", - деп жазылған полиция департаменті таратқан хабарламада.
Оқиға Естай көшесі – Назарбаев даңғылы қиылысында болған.
Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!