Павлодарда екі жасқа да толмаған сәби бесінші қабаттан құлады

Фото: depositphotos.com

28 тамыз 2024, 21:53

Павлодарда сәби бесінші қабаттың терезесінен құлап кетті. Баланың жасы – 1 жас 8 ай, - деп хабарлайды Massaget.kz тілшісі pavlodarnews.kz-ке сілтеме жасап.

Облыстық денсаулық сақтау басқармасы баспасөз қызметінің мәліметінше, 28 тамыз күні сағат 16:20-да облыстық балалар ауруханасының қабылдау бөліміне 2022 жылы туған ұл бала жеткізілді.

"Ол бесінші қабаттан құлаған. Бала тексеріліп, жабық бас жарақаты, ми шайқалуы диагнозы қойылды", - деп хабарлады облыстық денсаулық сақтау басқармасының баспасөз орталығы.

Бала травматология бөліміне жатқызылды.

Қызықты жаңалықтар мен видеоларды көру үшін TikTok арнамызға жазылыңыз!

М. Лұқпан