Павлодарда екі адам өлтірді деген айып тағылып, кейін ақталған жігітке өтемақы тағайындалды
![Павлодарда екі адам өлтірді деген айып тағылып, кейін ақталған жігітке өтемақы тағайындалды](/userdata/news/news_76399/image_l.png)
Қазақстанның Қаржы министрлігі екі адам өлтірді деген айыппен ақталған Павлодар облысының тұрғыны Дархан Дүйсенаевқа 6,3 миллион теңге төлеуі керек. Материалдық және моральдық шығынды өтеу туралы шешімді Павлодар соты қабылдады, - деп хабарлайды Massaget.kz тілшісі.
"Сот кеңсесінің" мәліметінше, Дүйсенаевқа қарақшылық шабуыл жасады және зейнетке шыққан ерлі-зайыптыны айуандықпен өлтірді деген айып тағылды. 2019 жылдың ақпанында алқабилер соты оны дәлел болмағандықтан ақтады. Үкім шыққаннан кейін сотталушы босатылды. Ақтау үкіміне қаза тапқандардың туыстары шағым түсіргенімен, сол жылдың маусымында жаңа алқа билер алқасы да Дүйсенаев кінәсіз деп тапты. Алқабилердің үкімін апелляциялық сот та қолдады.
Кейін Дүйсенаев Қаржы министрлігіне, Павлодар облысының полиция департаментіне талап қойып, оған қылмыстық жауапкершілікке заңсыз тартқаны және қамауда ұстағаны үшін материалдық және моральдық зиян келтіргені үшін 70 миллион теңге төлеуді талап етті. Сондай-ақ, жігіт полиция департаментінен көпшілік алдында кешірім сұрауын өтінді.
Сот оның талаптарын ішінара қанағаттандырды.
"Д.К. Дүйсенбаевтың пайдасына мемлекеттік қазынадан материалдық зиянды өтеу есебінен 4 336 301, моральдық зиянды өтеу есебінен 2 миллион теңге өндіріп алынсын. Барлығы 6 336 301 теңге. Сот шешімін орындау жөніндегі міндет 010 "Қазақстан Республикасы Үкіметінің резерві" бюджеттік бағдарламасының әкімшісі ретінде Қазақстан Республикасы Қаржы министрлігіне жүктелсін, - делінген "Сот кабинетінде".
Дүйсенаевтың қорғаушысы Азамат Айтжан оның тергеу изоляторында 344 күн болғанын айтты.
"Дархан аса ауыр қылмыс жасады деп айыпталып, кінәлі деп танылған жағдайда 20 жылға немесе өмір бойына бас бостандығынан айырылар еді. Сот процесі эмоционал түрде күрделі болды, марқұмның балалары аяғына дейін ең қатаң жазаны талап етті. Ешқандай себеп болмаса да. Осы уақыт ішінде Дархан моральдық азапты бастан өткерді", - деді Айтжан.
Қорғаушының айтуынша, тергеу изоляторында бір жылға жуық ұсталғанына 2 миллион теңге өтемақы аз. Соттың шешіміне шағымдану үшін оларда тағы бір айға жуық уақыт бар.
Егде жастағы ерлі-зайыптының өлімі 2018 жылғы ақпанда Павлодар облысының Майқайың кентінде болған. Зейнеткерлердің денелері өз үйлерінен табылды. Кейін жедел уәкілдер қаза тапқандармен бір көшеде тұратын 27 жастағы Дархан Дүйсенаевты ұстады. Сотта жігіттің зейнеткерлердің банк карталарын пайдалануға тырысқаны анықталды. Бірақ екеуінде де ақша болған жоқ. Тергеу барысында ол карталардың пинкодын көшеде екі конверттен көргенін айтты. Алқабилердің қатысуымен өткен сот отырысында ол мұны растады. Жігіттің кінәсіздігіне сенген Майқайың ауылының тұрғындары Бас прокуратура мен Президент Әкімшілігіне жүгініп, соттың объектив өтуін талап етті.
Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!
С. Бөлек