Павлодарда әйелді қағып кеткен көлік жүргізушісін іздестіріп жатыр

Павлодарда полицейлер жаяу жүргіншілер өткелінде әйел адамды қағып, оқиға орнынан қашып кеткен көлік жүргізушісін іздестіріп жатыр, - деп хабарлайды Massaget.kz тілшісі.

Әлеуметтік желіде оқиға орнында түсірілген видео жарияланды. Видео авторы әжесінің көлік апатына ұшырағанын мәлімдейді.

"28 тамыз күні сағат 12:55-те Баян батыр көшесінде әжемді жаяу жүргіншілер өткелінде қағып, жүргізуші оқиға орнынан қашып кетті", - дейді видео авторы.

Қалалық полиция департаменті әйелдің полицияға хабарласпағанын айтып, жол апаты фактісі тіркелгенін растады. 

"Полиция жүргізушінің жеке басын анықтау шараларын жүргізіп жатыр", - деп хабарлады полиция департаменті.

Посмотреть эту публикацию в Instagram

Публикация от ТИПИЧНЫЙ ПАВЛОДАР (@ti.pavlo)

Өзекті жаңалықтарды өз уақытында оқу үшін Facebook парақшамызға жазылыңыз!