Павлодар облысында танысын өлтірген тұрғын 13 жылға сотталды
![Павлодар облысында танысын өлтірген тұрғын 13 жылға сотталды](/userdata/news/news_99821/image_l.png)
Павлодар облысында танысын өлтірген тұрғын 13 жылға бас бостандығынан айырылды , - деп хабарлайды Massaget.kz тілшісі polisia.kz-ке сілтеме жасап.
2023 жылғы 25 шілдеде таңертең Екібастұз қаласы Қонаев көшесіндегі үйдің ауласында жедел жәрдем мен полиция шақырған жолаушы пышақ жарақаты бар адамды тапты. Оқиға орнына жедел-тергеу тобы дереу жолға шықты.
Тергеу марқұмның соңғы күні кіммен байланысқанын, телефон арқылы сөйлескенін тексеріп, достарымен бірге ішімдік ішкенін анықтады.
Сол түні пәтерде үш ер адам мен екі әйелдің кездесуі таңертең аяқталған. Таңертең ерте әйелдер кетіп, ер адамдар үйдің ауласына шығып, әңгімені жалғастырған. Біреуі мас күйде сол жерде қайтыс болған адамды ұрған.
"Сотталған ер адам такси шақырып, Астанаға кеткен, оны Екібастұз қаласының жедел уәкілдері ұстады. Оның кінәсі толығымен дәлелденіп, сот үкімді жариялады. Сот іс бойынша барлық мән-жайды ескере отырып, 13 жылға бас бостандығынан айыру жазасын тағайындады. Ол жазасын ерекше режимдегі қылмыстық-түзеу жүйесі мекемесінде өтейді", - дейді Екібастұз қаласы ПП бастығының орынбасары Валентин Бірімжанов.
Өзекті жаңалықтарды өз уақытында оқу үшін Facebook парақшамызға жазылыңыз!
М. Лұқпан