Павлодар облысында полицейлердің өзі жолда ұйықтап жатқан мас әйелді оята алмады
![Павлодар облысында полицейлердің өзі жолда ұйықтап жатқан мас әйелді оята алмады](/userdata/news/news_108969/image_l.jpg)
Павлодарда полиция қызметкерлері жолда ұйықтап жатқан мас әйелді тапты, - деп хабарлайды Massaget.kz тілшісі.
Полиция облыс орталығын патрульдеу кезінде Украинская 97 көшесінде жол бойында жатқан әйелді байқады. Жақындаған кезде әйел бөтелкені құшақтап ұйықтап жатқан. Ол полицияның ескертулеріне жауап бермей, ұйқысын жалғастыра берді. Оны көтеріп тұрғызғаннан кейін ғана әйел өз-өзіне келді.
"Азаматтар өз мүмкіндіктерін асыра бағалап, достарымен ішіп, содан кейін үйге бара алмайтын көптеген мысалдар бар. "Құқықтық тәртіп" ЖПІ-нің тек бір аптасы ішінде мас күйінде көшеде және қоғамдық орындарда 300-ге жуық павлодарлық ұсталды. Барлық құқық бұзушылар жауапкершілікке тартылды", – деді Павлодар қаласы ПБ бастығының бірінші орынбасары Арман Қаптаев.
Тәртіп сақшысы бұл күндері 19 жүргізуші де мас күйінде көлік жүргізгені үшін ұсталып, ерекшеленгенін атап өтті. Сотпен барлық іс бойынша кінәлілер әкімшілік қамауға алынып, 7 жылға көлік басқару құқығынан айырылды.
Аптаның басты оқиғалары мен пайдалы видеоларды көру үшін YouTube арнамызға жазылыңыз
М. Лұқпан