Павлодар облысында ер адам 43 жыл бойы құжатсыз жүрген
![Павлодар облысында ер адам 43 жыл бойы құжатсыз жүрген](/userdata/news/news_103139/image_l.jpg)
Павлодар облысында 43 жыл бойы құжатсыз жүрген зейнеткер жеке куәлігін алды, - деп хабарлайды Massaget.kz тілшісі ІІМ баспасөз қызметіне сілтеме жасап.
Зейнеткер Ертіс ауданы көші-қон қызметінің қызметкері Бақыт Ермекпаеваға бейнеөтінішпен алғыс білдірді.
"Мен Ертіс ауылында туып-өстім. 1974 жылы Кеңес армиясының қатарына шақырылып, Чехословакияда қызмет еттім. Демобилизациядан кейін Санкт-Петербург қаласында Киров зауытында жұмыс істедім, сол жерде төлқұжат алдым. 1981 жылы Алматы қаласына көшіп келдім. Көшу кезінде қызыл төлқұжатымды жоғалтып алдым. Құжатты қалпына келтіру мәселесі бойынша мен ешқайда бармадым. Осыншама уақыт бойы құжатсыз жүрдім", - дейді Бакен Жатенов.
"Заңнаманы білмеу және өмірлік жағдайлар құжаттардың уақытылы дайындалмауына себеп болды. Құжаттың жоқтығынан бұл кісіде ресми жұмысқа орналасуға және медициналық мекемелерге жүгінуге мүмкіндік болмады, - деді полиция.
Аптаның басты оқиғалары мен пайдалы видеоларды көру үшін YouTube арнамызға жазылыңыз
Ж. Қадыржанова