Павлодар облысында бір күнде жоғалған екі ер адамды іздестіріп жатыр
![Павлодар облысында бір күнде жоғалған екі ер адамды іздестіріп жатыр](/userdata/news/news_115107/image_l.jpg)
Павлодар облысында бір күнде жоғалған екі ер адам іздестіріліп жатыр. Олар бір уақытта, бір күнде, бірақ әртүрлі жерлерде және әртүрлі жағдайда жоғалып кеткен, - деп хабарлайды Massaget.kz тілшісі pavlodarnews.kz-ке сілтеме жасап.
Vita еріктілер ұйымының мәліметінше, Виктор Колчин 41 жаста. 8 тамыздан бастап туыстарымен байланысты тоқтатқан. Ол жоғалғанға дейін Кенжекөл ауылында тұрған.
"Туыстары оның араласатын ортасын білмейді, тіпті қай жерде болуы мүмкін екенін болжай алмайды", - дейді еріктілер.
Төлеген Марденов 71 жаста. Зейнеткер 9 тамызда Екібастұздағы Кеншілер көшесі, 15 мекенжайында орналасқан үйден шығып кеткен. Жоғалып кетердің алдында туыстары күдікті ештеңе байқамаған.
Еріктілер хабар-ошарсыз кеткен екі азаматқа қатысты қандай да бір маңызды ақпарат болса, дереу +7 (747) 615 55 63 (Катерина), +7 (777) 334 82 01 (Светлана) нөмірлері бойынша хабарлауды сұрайды.
Instagram парақшамызға жазылып, ең қызықты ақпараттарды бірінші болып оқыңыз!
М. Лұқпан