Шалғынды жерді су басып кеткендіктен жоғалған әйелдің мәйіті көп уақыт бойы табылмады, - деп хабарлайды Massaget.kz тілшісі pavlodarnews.kz-ке сілтеме жасап.
Vita іздеушілер ұйымының мәліметінше, 44 жастағы Жанар Солтан 6 сәуірде Май ауданы Малайсары ауылындағы үйінен шығып кетіп, қайта барар жолды ұмытып кеткен.
Оның денесі бес айдан кейін ауылынан 3-4 шақырым жерде табылды.
"Шабындық жерде жұмысшылар шөп жауып жатқан кезде мәйітті тапқан. Біз бірнеше жерден іздеген болатынбыз. Шалғай жерді су басып, кейіннен шөп өсіп кеткендіктен, іздеу қиынға соқты. Бұған дейін тікұшақты іздеу жұмыстарына жұмылдыруға бірнеше рет сұрау салдық, алайда нәтиже болған жоқ", - деді еріктілер жасағының жетекшісі Екатерина Кудрявцева.
Еске салайық, Май ауданында әйел адам полицейлерге 7 сәуірде қызы бір күн бұрын үйден кетіп, оралмағаны туралы хабарлаған еді. Бұрын қызы үйден кетіп көрмеген және бағытынан жаңылған.
Жедел уәкілдер дереу барлық аумақтық полиция бөлімшелеріне және жақын маңдағы аймақтарға бағдар берген. Жақын маңдағы ауылдарды, жайылымдарды және шалғынды жерлерді, Ертіс өзенінің жайылмасында іздестіру жүргізген.
Өзекті жаңалықтарды өз уақытында оқу үшін Facebook парақшамызға жазылыңыз!