Пәкістанда намаз кезінде жанкешті өз-өзін жарып жіберген: қаза тапқандар саны артты

Пешавар қаласындағы мешітте болған лаңкестік әрекеттен қаза тапқандар саны 72 адамға жетті, - деп хабарлайды Geo TV.

Полиция мәліметінше, жарылыс мешіттің орталық залында сағат 13.00-де болған. Бұл кезде мешіт төбесі намаз оқығандарға опырылып түскен. Қауіпсіздік қызметкерлерінің айтуынша, жанкешті намаз уақытында өз-өзін жарып жіберген әрі ол алдыңғы қатарда тұрған. Мешіттің имамы Сахибзада Нұр ул Амин де жарылыстан қаза тапқан.

پشاور پولیس لائنز مسجد دھماکے میں شہید ہونیوالے پولیس اہلکاروں کی نماز جنازہ پولیس لائنز میں سرکاری اعزاز کیساتھ ادا کردی گئی pic.twitter.com/IPRkBWJI0p

— Chief Secretary Khyber Pakhtunkhwa (@CSKPOfficial) January 30, 2023

Шабуылдың жауапкершілігін тыйым салынған Техрик-и-Талибан Пәкістан тобы алған.

"Пешавардағы полиция бөлімшесінің аумағындағы мешіттегі жанкештінің шабуылынан зардап шеккендердің саны 72 адамға дейін жетті, өйткені құтқарушылар үйінді астынан тағы тоғыз мәйітті алып шықты", - делінген хабарламада.

Елдің уақытша бас министрі Мұхаммед Азам Хан 31 қаңтарды аза тұту күні деп жариялады.

27 شہداء پولیس کی نماز جنازہ ملک سعد شہید پولیس لائن پشاور میں پورے سرکاری اعزاز کے ساتھ ادا کر دی گئی،

اس موقع پر پولیس کے چاق و چوبند دستے نے سلامی پیش کی۔#Peshawarblast #Peshawarunderattack #Peshawar pic.twitter.com/l7kQBFdskr

— Capital City Police Peshawar (@PeshawarCCPO) January 30, 2023

Леди Рединг ауруханасының өкілі Мұхаммед Асим жарылыстан кейін 157 жаралы медициналық мекемеге жеткізілгенін айтты.

"44 адамның денесі де ауруханаға жеткізілді. Қазір жараланған 65-ке жуық адам Леди Рединг ауруханасында емделіп жатыр. Олардың кейбіреулерінің жағдайы өте ауыр, ал көпшілігінің жағдайы қанағаттанарлық", - деді ол.

Еске салайық, бұған дейін Пәкістанда мешіт маңында жарылыс болып, 25 адам қаза тапқаны хабарланған еді. 

Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!