"Өзіміз отырып шай ішейік": АҚШ-тың Қазақстандағы елшісі танымал сөзді айтып, жұртты тәнті етті

АҚШ-тың Қазақстандағы елшісі Дэниел Розенблюм "өзіміз отырып, шай ішейік" деген танымал сөзді айтып, әлеуметтік желіні тәнті етті, - деп хабарлайды Massaget.kz тілшісі.

АҚШ-тың Қазақстандағы елшілігі бұл видеоны халықаралық шай күніне орай жариялаған.

"Ал енді өзіміз отырып шай ішейік", - дейді видеода елші.

Сонымен қатар, шай Қазақстанда қонақжайлықтың, достықтың, дипломатияның белгісі екені айтылады.

Посмотреть эту публикацию в Instagram

Публикация от U.S. Embassy to Kazakhstan (@usinkz)

Желі қолданушылары видеоны қызу талқылап жатыр.

"Елшіліктің креативіне сөзім жоқ", "Керемет! Екі ел достығы жасасын", "Не деген керемет, шайдың орны бөлек қой", "Елші мырзаны шай ішуге шақырамын", "Керемет контент! Ризамыз", - дейді олар.

Айта кетейік, Дэниел Розенблюм 2022 жылы 28 қазанда АҚШ-тың Қазақстандағы елшісі ретінде ант берген. Ол бұған дейін Өзбекстандағы АҚШ елшісі (2019-2022) және Мемлекеттік департаменттің Оңтүстік және Орталық Азия істері бюросында Орталық Азия бойынша хатшы көмекшісінің орынбасары қызметін атқарған (2014-2018). 

Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!