"Өз аяғымен барды". Түркістан облысында төрт баланың анасы жұмбақ жағдайда қайтыс болды

Түркістан облысында перзентханада төрт баланың анасы жұмбақ жағдайда қайтыс болды. Бұл туралы оның туыстары айтты, - деп хабарлайды Massaget.kz тілшісі Tengrinews сайтына сілтеме жасап. 

Қайтыс болған Лаура Жүсіпованың туған інісінің айтуынша, ол биыл 12 наурызда Сарыағаш қаласының перзентханасына барған.

"Ол күйеуімен бірге үш ұл тәрбиелеп өсірді. Төртінші баласын, яғни ең кішісін бірнеше жыл бұрын жер қойнына тапсырды, ол қатты ауырған еді. Лаура қатты қызды болғысы келді. Ай-күні жеткенде күйеуімен бірге перзентханаға барды. Күйеуі оны палатаға алып барды, содан кейін оны жібермеген. Ол онымен таңғы 6-ға дейін сөйлескен, ол дәлізде системамен жүрген. Таңғы 7-де ол (күйеуі - еск.) оған тағы қоңырау шалған, бірақ телефонды алмаған. Сағат 7:30-да да телефонды алмаған. Таңғы сағат 8-де оның нөмірінен бір адам қоңырау шалып "ауруханаға кел" деген. Ол әйелі босанды деп ойлаған. Ол барған, ақшасын дайындап қойған. Ауруханаға барса, оны дәрігерлер қоршап алып, "көңіл айтамыз" деген. Жездем "қалай?" деген. Ол шошып кетіп, ештеңені түсінбеген, сене алмаған. Ол оны өзі апарды, ол өзі ауруханаға барды", - деді перзентханада қайтыс болған әйелдің ағасы.

Туыстарының айтуынша, Лаура ешқашан денсаулығына шағымданбаған, әрдайым уақытында тексерілген. Өйткені оның медициналық білімі бар.

"Жүрегі" дейді. Бірақ ол ешқашан жүрегіне шағымданбады. Ол өзі де дәрігер, барлық медициналық жайтты біледі. Олар "қан ұйыған" дейді. Оны үйге әкелген кезде денесінде, иек пен мойын сүйегінде көгерген іздер табылды. Күйеуінен сұрадық, ол менің әпкеме ешқашан қол көтермегенін айтады. Сондай-ақ, олар менің анаммен бірге тұрды. Ол ешқашан мұндай нәрсені байқамаған. Көгерген жерлер қайдан шыққаны бізге түсініксіз", - деді Талғат Жүсіпов.

Суретті інісі Талғат Жүсіпов ұсынған

Лаураның нәрестесі де аман қалмаған. Үш бала анасыз қалды. Ол 35 жаста еді. Марқұмның туыстары АІІБ-ге арыз жазған.

"Қазір бұл жағдай бойынша тергеу жүргізіліп жатыр. Әйелге патологиялық тексеріс жүргізілді. Туыстарының талабы бойынша сот-медициналық сараптама жүргізілді. Тексеріс толық аяқталғанын күтеміз", - деді Түркістан облысының Қоғамдық денсаулық сақтау басқармасы өкілі.

Суретті інісі Талғат Жүсіпов ұсынған

Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!