Отандық ғалымдар бидайдың жаңа түрін ойлап тапты. Ұлттық аграрлық ғылыми-білім беру орталығының ғалымдары rүздік бидайдың жаңа сортын гибридті популяциядан жеке сұрыптау нәтижесінде шығарды. "Шөл" деп аталатын жаңа сорт бай ботаникалық әртүрлілікке ие және Гостианум (Hostianum) гибридті түріне жатады, - деп хабарлайды Massaget.kz тілшісі Ауыл шаруашылығы министрлігіне сілтеме жасап.
"Шөлдің" таңғажайып сипаттамаларына келсек, ұзындығы 8-12 см цилиндрлі масақтары бар, құрылымы тығыз, 10 см-ге жететін 14-18 тікенекті түктері болады. Дәні шыны тәрізді, жартылай ұзын, ірі, қызыл түсті, түбі тегіс, ортаңғы ойығы бар.
Сорттың шаруашылық құндылығы оның жоғары өнімділігінен байқалады. 1000 дәннің салмағы 40,8-49,0 г, көлемі 757-820 г/л, негізгі масақтағы дән саны 45,5-60,5 түйірге жетежі. Ең бастысы "Шөл" сорты қысқы суық пен жазғы ыстыққа және құрғақшылық пен ауруға да төзімді.
Жаңа сорт суармалары жерлер мен тыңайтқыштарды пайдалану жағдайында өсіру үшін ұсынылады. Піскен кезде дәні шашылмайды және оңай бастырылады. "Шөл" өнімділігі 25,5-40,5 ц/га.
Бұл сорт сынақтан сәтті өтті және жерсіндіру жұмысында да жақсы нәтиже берді. Ғалымдар тың өнімге патент алып, ауыл шаруашылығы кәсіпорындарымен табысты пайдаланылуда. Ғалымдар мен селекционерлер жаңа "Шөл" сорты мол өнім әкеліп, ауыл шаруашылығы саласында өнімділік көрсеткіштерін арттырады деп сенеді.
Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!